Mütəxəssislər bildirir ki, kişiləri yaxşı müşahidə etməklə onların düşüncələrini oxumaq mümkündür. Tərəf müqabilinizin düşüncələrini anlamaq üçün sadəcə olaraq bəzi məqamlara diqqət yetirməniz kifayətdir. 

Yalan söyləyir
Burun və ya qulaqları oynayar. Bir kişi yalan söyləyərkən ifşa olunmaqdan qorxduğu üçün ürək döyüntüsü artır və burun, qulaq, alnında qan sürətlə dövr etməyə başlayır. Bu isə titrəyişə səbəb olur. Bu zaman ona doğrunu dedirtmək üçün dost maskanızı taxın. Sonra da günahlandırıcı rəftardan çox, maraqlı görünürmüş kimi suallarınızı ünvanlayın. Sanki əhəmiyyətsiz görünürmüş kimi davranın, əgər onu kifayət qədər dinləyəcək qədər səbrli olsanız, fikirləri dolaşacaq və doğrunu sizə söyləyəcək. 

Kişilər niyə aldadılır və aldadır? 
Kişilər nəsə etiraf etmək istəyir, üstəlik, bu, yaxşı bir şey deyil. Bu zaman dodaqları gərginləşir. Bir kişi bir şey söyləməkdən çəkindikdə ağzı gərilir və pis xəbəri vermək mövzusunda qərarsız olduğu üçün dodaqlarını bir-birinə sürtür. Kişilərin çoxu qadınların anlamayacağından qorxduğu üçün hər zaman nəyisə gizlədir. Bu zaman suallarınızı səmimi verin, bu, kişilərin etiraf etmələri üçün ab-havanı yumşaldır. «Gərgin görünürsən. Mənə söyləmək istədiyin bir şey var?» — deyə soruşun. Nə olursa olsun, sakit görünməyə çalışın. Bir kişinin danışarkən sizin verəcəyiniz reaksiyaya görə söyləyəcəklərini dəyişdirməməsi üçün neytral ifadəyə köklənin. 

Eqosu yaralanmış
Bu cür kişilər biləklərindən birini tutur. Saatını düzəldir kimi görünə bilər, amma bu, özünü etibarsız hiss etdiyinə bir işarədir. Özünü qorumağa çalışır, qollarına bədəninə qalxan edirmiş kimi davrandığına fikir verin. Bu zaman nəzərə alın ki, kişilər özlərini super qəhrəman kimi hiss etməyi sevir. Müdiri tərəfindən danlandığı və ya sizdən pis bir davranış gördüyü üçün özünə inamı sarsılır. Duyğuları zədələndikdə, yaxud müəyyən bir problemi həll etməyə çalışarkən kişilər özlərini gücsüz hiss edir. Mövzu haqqında düşünməsi və ya nəzarəti geri qazanması üçün ona bir az zaman verin. 

Əlaqəniz haqqında qərarsızdır
Bu cür kişilərin əlləri davamlı məşğul görünür. Yaxınlaşmaqdan çəkinir və əllərini məşğul etməklə sizə toxunmaqdan qaçır. Qərarını verənə qədər fiziki məsafə yaratmaq, ümumiyyətlə, kişilərin duyğularını götür-qoy etmələri üçün istifadə etdikləri davranış formasıdır. Bu zaman onun üzərinə gedin. «Bir-birimizə qarşı açıq olmağı sevirəm, amma mənə söyləmədiyin bir şey olduğunu hiss edirəm», — deyin. Əgər əvvəldən özünü müdafiəyə başlasa, “hər nədirsə mən öhdəsindən gələ bilərəm”, – söyləyin. Söylədiklərinin sizi əsəbləşdirməyəcəyinə əmin olduqda, özünü ifadə etməkdən çəkinməyəcək və doğrunu danışmağa başlayacaq.

Kayzen.az

Təxmin edilməyən addımlar
Təbii ki, bu, hər gün onunla başqa bir ölkədə olmalı, ya da eyvanının altında serenada oxumalı olduğunuz anlamına gəlmir. Spontan davranışlarınızı kiçik şeylər üzərində qurun. Məsələn, bir gün yolda gedərkən, “gəl, yeməyə gedək” demək də onu xoşbəxt edəcək. Qadınlar kişilərin növbəti addım olaraq nə edəcəyini bilməyəndə daha çox həyəcanlanırlar. 
Bir az təkid edin
Əgər bir qadın sizə “yox” deyirsə, əslində “yox” demir. Amma, “hə” də demir. Belə hallarda etməli olduğunuz onu razı salmağa çalışmaq, cavabının qəti “hə” olmasına nail olmaqdır. Həddi aşmamağa çalışın. 
İnanc
Xüsusilə özünə inanmadığı zamanlarda ona inanan bir kişi hər qadının diqqətini çəkir. Yeni bir işə başlayırsa, ona bunu bacaracağını deyin. Bunu sadəcə dildə söyləməyin. Ona həqiqətən inanın və dəstək olun. 
Hədiyyələr
Əgər qadınların sadəcə zinət əşyaları sevdiyini düşünürsünüzsə, tamamilə yanılırsınız. Sözarası sevdiyini dediyi hər hansı bir şeyi heç gözləmədiyi anda alıb gətirsəniz, daha xoşbəxt olacaq. Bu, sevdiyi bir çiçək, yaxud şokolad, şirniyyat da ola bilər. 
Yumor hissi
Alimlər gülməyin ən təbii afrodizyak olduğunu deyir. Onu güldürmək üçün zarafatlar edin. Təbii ki, həddinizi aşmadan. 
Diqqət
Çox da şitini çıxarmadan, gündüz yüz dəfə zəng etmədən, ya da gün ərzində tez-tez mesaj yazmadan da diqqətcil ola bilərsiniz. Günün sonunda səmimi şəkildə soruşacağınız “günün necə keçdi?” sualı işinizə yarayacaq. 
Pozitivlik
Duyğusal olaraq özünü yaxşı hiss etməyən bir qadın üçün motivasiyaedici cümlələr çox romantik ola bilər. Sadəcə gülümsəyin və onu hər şeyin yoluna düşəcəyinə inandırın. Gözəl duyğular özü ilə daha da gözəllərini gətirir. 
Dürüstlük
Qadınlar bu məsələdə çox həssasdırlar. Bir yerə getmək istəmədiyiniz zaman bəhanə uydurmaq yerinə “ora getmək istəmirəm, çünki bu gün başqa bir şey etmək istəyirəm” deyərək dürüst ola bilərsiniz. Hər zaman sözün düzünü danışın. 
Hörmət
Əgər hələ də qadınları kişilərdən daha gücsüz hesab edirsinizsə, demək, qadınlar haqqında heç bir şey bilmirsiniz. Ona layiq olduğu dəyəri verin və bunu etməkdən çəkinməyin. Münasibətdə xoşbəxtliyin açarı iki tərəfin də bir-birinə hörmətidir.

kayzen.az

Kişilər bəzən "Susmaq-qızıldır' xalq deyiminin dəyərini anlayırlar. Psixoloqların fikrincə, kişilər
qadınlarla aranı pozmamaq üçün susduqları zamanlar olur. Qadınlar hardan bilsin ki, bu susqunluq onun qəlbinin sakitliyi üçündür. Kişilər isə öz sirlərini gizlətməyə çalışırlar.
Sirr 1
Qonşu mənzildəki xanım həqiqətən çox gözəldir. 
Bu о demək deyil ki, kişi onun yanına getmək istəyir. Siz soruşsanız ki, "Qonşu mənzildəki xanım gözəldir?", cavab isə "Kim? Qonşu mənzildəki xanım? Men heç fikir verməmişəm" olacaq. Kişilər bu cürdür - onlar ətrafda cazibədar qadın görən kimi avtomatik baxırlar.
Sirr 2
Bəzən "Mən futbola gedirəm" ifadəsi "Sənin əlindən bir az dincəlmək istəyirəm" deməkdir.
Çox zaman futbola (digər idman oyunlarına) getmək kişilərin öz yarının əlindən dincəlmək bəhanəsidir. Əlbəttə heç bir ağıllı kişi deməz ki, "Əzizim, səndən yo­ruldum, istəyirəm dostlarım ilə vaxt keçirim". Odur ki, özlərini idman həvəskarı ki­mi göstərirlər. 
Sirr 3
Bütün öhdəliklər onları cəsarətli olmaqdan məhrum edir.
Nadir kişi tapılar ki, öz arzu­sunun qadını ilə tanış olan ilk gündəncə toy və evin planı haqda fikirləşməyə başlasın. Əksəriyyətinə ay­larla, hətta illərlə vaxt lazım olur ki, sevdiyi xanım ona evlənmə təklifini gözlədiyi haqda fikirləşsin.
Sirr 4
Bərabər hüquqluluq - bu yaxşıdır, lakin kişi daha çox qazanmalıdır.
"Qazanc gətirən" fikri illərlə kişilər üzərində qalmış bir fikirdir. Onlar daşıyıb gətirir, qadın isə yemək hazırlayır. Qadın da kişi kimi çox qazanc gətirmək istəyəndə ai­lədə münasibət dəyişir, la­kin heç bir kişi "mətbəxdə olmaq" istəməz. 
Sirr 5
Əslində ev işləri onların xoşuna gəlir.
Kişilər çox zaman qadınların evdə "kişi işi" saydıqları işləri (divara mismar vurmaq, mətbəxdə su kranını düzəltmək) əslində isə görməkdən imtina edirlər. On­ların ev işlərindən xoşları gəlir. Onlar üstünlüklərinin daxili təəssüratı baxımından "mənsiz burda heç nə işləmir, heç nə düzəlmir" fikirləşirlər. Bəs niyə bunu qadından gizlədirlər? Bəlkə ona görə ki, bütün bu işlər onlar üçün əlverişsiz vaxtda deyilir 
Sirr 6
Ilbəil onlar öz yarılarını çox sevirlər.
Kişilərin emosional yüksəlişi mərhələli baş verir və 40-50 yaşda pik vəziyyətinə çatır. Əksər kişilər də psixoloqların bu fikrilə razılaşırlar. İlbəil kişilər öz yarılarının təbiətində əvvəllər məlum olmayan yeniliklərini aşkar edirlər. Yaşlaşdıqca daxili qiymətqoyma baş verir və kişilər yarılarında əvvəllər diqqət yetirmədikləri keyfiyyətləri qiymətləndirməyə başlayırlar. Lakin onların heç biri öz qadınlarına de­məz ki, "Əzizim, mən səni günbəgün çox sevirəm". Çünki qadın elə başa düşər ki, "əvvəllər o, məni bəyəm az sevirdi?". Onun hissiyat gücünün yox, təbiətinin dəyişdiyini izah etməkdənsə, ən yaxşısı susmaqdır.
Sirr 7
Bəzən onlar qadınların nə barədə danışdığını başa düşmürlər.
Bu kişi sirlərinin ən qorxulusundan biridir. O gecəyarısı mətbəxdə həyat yolda­şının təntənəli nitqindən nə-isə bir şey başa düşdüyünü boynuna almaq iqtidarındadır. Ən yaxşı halda "Bəli, bəli, hər şeyi başa düşdüm", "Əlbəttə, əzizim, sən düz dəyirsən" demək yaxşı olardı. Nəinki təkrar nəisə soruşub, onun da cavabını 15 dəqiqə dinləmək.
Sirr 8
Onlar sükan arxasında qadınlardan qorxurlar. 
Qadın sükan arxasında, ki­şilər isə arxada oturanda, onlar daxildə qorxaq oğla­na dönürlər. Lakin onlar bu haqda heç vaxt boynuna almırlar, onların dodaqlarından heç bir kəlmə də çıxmayacaq. Suret 30 km/saatı ötərsə, kişi deyəcək ki, "Əzizim, mənə elə gəlir ki, biz çox sürətli gedirik", şübhə etməyin - o, qorxub. 
Sirr 9
Kişilər gizlin arzu edirlər ki, onların 25 yaşı olsun. 
Bunu isə heç vaxt boyunla­rına almırlar. İstəyirlər ki, onların 25, ən uzağı 30 yaşı olsun.
Sirr 10
Ona asudəlik verin - o, sizə əbədilik bəxş edəcək.
Pis fikirlərsiz və ürəkdən kişi asudəliyinə hörmət edən qadın onun ürəyinə olan və əbədi yanında olması üçün açarı əldə etməyə böyük şansdır. Kişinin hər addımını izləyən qısqanc qadın ro­lunu oynamaqdan vaz ke­çin. Qoyun özü özlüyündə olsun, dostları ilə yeyib-içməyə getsin, tək dincəlsin.

kayzen.az

Bəzi tədqiqatların nəticələrinə əsasən qisqanc insanlar 10-15 il daha az yaşayır. Adətən onlar hipertoniya, ürək-damar xəstəliklərindən əziyyət çəkir və təxminən 60-65 yaşında vəfat edirlər. İstisnalar isə azdır. Qısqanclığın həddi müxtəlifdir. Belə ki, sivil ölkələrdə yaşayan insanlarda qısqancların sayı çoxdur. İnkişaf etməmiş ölkələrdə isə seksual inama əhəmiyyət vermirlər.
Qadınlar kişilərə nisbətən daha qısqanc olurlar. Kişilərdə bu hiss ağır və qətidir. Lakin onlar iki dəfə artıq xəyanət edirlər. Sosioloqların araşdırmalarına əsasən hər 5-ci ailə qısqanclığa görə dağılır. Qısqanclıqdan boğaza yığılan partnyor (adətən qadın) həlledici dava taparaq ailəni tərk edir, hətta əsl səbəb olan qısqanclıq arxa planda qalır. Qısqanclıq çoxlu sayda zorakılıq, hətta ölüm hadisələri törədir. Minlərlə insan qısqanclıqdan əziyyət çəkir. Müasir “Otello”lar isə tam normal və sağlam insanlardır. Uzun illər hesab olunurdu ki, seksual inamsızlıqdan törədilən ölüm hadisələrini alkoqol və ya xəstə insanlar edir.
Son araşdırmalar göstərdi ki, qısqanclığa görə cinayət törədənlərin yalnız 25 %-i alkoqol və ya psixoloji xəstələrdir. Bütün bədbəxtliklərə görə qısqanclığı günahlandırmaq lazım deyil. Məhz o, hisslərə kəskinlik, cazibə bəxş edir, həmçinin sevgini sönməyə qoymur. Əgər belədirsə, qısqanclıqla mübarizə aparmağa dəyərmi? Qısqanclıq uşaqlıqda yaranır. Əsəs səbəbi də uşaqlıq illərində axtarmaq lazımdır.

Ailəyə ikinci uşağın gəlməsilə qısqanclıq hisslərinin ilkin əlamətləi hiss olunmağa başlayır. Əgər ilk uşaq valideyn qayğısının olmamasını hiss etsə qısqanclıq daha da güclənir. Daha sonralar isə bu hiss tək seksual partnyora yönəlməyəcək. Əgər valideynlər ayrılsa, körpə qorxacaq ki, anası onu atası kimi tək qoyub gedəcək. Məhz buna görə də uşaqlar əksər hallada analarını başqa kişilərə qısqanır və düşünülər ki, həmin kişi analarını onların əlindən alacaq. Bu cür psixologiyalı uşaqlara ikiqat diqqət və qayğı tələb olunur. Ümumiyyətlə körpəlikdə az qayğı görən, nadir hallarda qucağa götürülən uşaqlarda qorxu hissi olur -yaxınlarını itirmək qorxusu. Adətən özlərinə qiymət verməyən insanlar da sevdiyini itirməkdən qorxur və güclü qısqanclıq hisslərinə sahib olur. Bununla bahəm bütün münasibətlərdə özünə əmin olan qisqanc insanlar da az deyil.
Qısqanclığı gücləndirən faktorlar da var. Kişilərdə bu ilk növbədə alkoqolizm, reproduktiv sistemlə bağlı problemlərdir. Qadınlarda isə seksual cəhətdən təmin olunmamaq, övladsızlıq, hamiləlik və ginekoloji problemlərlə əlaqədardır. Patoloji qısqanclar ruhi xəstələr də ola bilər. Belə bir fikir var ki, patoloji qısqanclıq – baş verənlərə və ya təsəvvür olunanlara həddini aşmış reaksiya deyil, emosional ehtirasa çətin adaptasiya ilə bağlıdır. Bəzi nəticələrə əsaən isə 15-20% insanlarda qısqanclığın patoloji forması psixoz simptomları ilə oxşardır. Lakin elə insanlar var ki, onlar qəti şəkildə qısqanmırlar (onlar 3-5%-dir). Bu da digər həddir. Səbəb isə - emosional soyuqluğun həddindən çox olmasıdır. Laqeydlərin əksəriyyətini kişilər təşkil edir. Dahilərdən biri deyib ki, “qadınlar nadir hallarda qısqanclığı bağışlayır, onun olmamasını isə heç vaxt bağışlamır”. Qısqanclıq münasibətlərə istilik bəxş edə bildiyi qədər gərəklidir. Hətta az həyat təcrübəsi olan qadınlar da bilir ki, qısqanmayan kişini əldə saxlamaq çətindir. Əgər kişiyə qısqanmaq üçün şərait yaratmasan o elə zənn edəcək ki, başqa kişilər onun qadınına diqqət yetirmir. 

Bununla bərabər o inanmalıdır ki, onun qadını seviləndir, arzuolunandır, lakin tək ona qismət olub, çünki o hamıdan yaxşıdır. Qeyd edək ki, kişi təbiətən qısqanc olmadıqda bu üsul keçərlidir. Bəzi kişilərlə vəziyyət çətindir. Şüşədən qısqanclıq cinini buraxacaqsınız və onu geri qaytarmaq çox çətin olacaq. Yüngül qısqandırma siyasəti əsl cəhənnəmə çevriləcək.
Bu cür insanlara fərqli yanaşma tərzi mövcuddur. Məsələn: cavab olaraq qısqanmağa başlamaq, hətta onu özündən bir neçə dəfə artıq qısqanmaq. Məsləhət görmədiyimiz isə qısqanclığı içinizdə boğmaqdır. İnsan sevdiyi zaman qısqanır. Bu təbii haldır. Sahib olma hissi isə buna aid deyil. Mənim arvadımdır, fincanımdır, mebelimdir və s. Bu fərqli hissdir. İstənilən halda yadda saxlayın ki, qısqanclıq hissi münasibətlərə istilik bəxş etdiyi səviyyədə gözəldir. Həyatınıza zəhər qatırsa bu artıq normal deyil.

legend.az

Son zamanlar ölkədə artan zorakılıq halları hamını narahat edir. Bəzən gün ərzində 2-3 zorlama, təcavüz hadisəsi baş verir. İnsanlar qohum, bacı, doğma, yad düşünmədən öz nəfslərinin qurbanına çevrilirlər. Psixiatriyada bu hal cinsi azğınlıq – parafili adlanır ki, bu da uzun müddətli müalicə tələb edən ağır bir xəstəlikdir.

ABŞ-da aparılan araşdırmalar zamanı müəyyən edilib ki, hər 10 min adamdan 300-ü cinsi azğınlıq xəstəliyindən əziyyət çəkir. 

Cinsi azğınlıq təkrarlanan və adama kədər verən xüsusi cinsi fantaziyalar, sıx cinsi impulslar və tətbiqlərlə xarakterizə edilən cinsi pozuntulardır. Fantaziyanın təsirləri və onun davranışlarda nümayişi xəstənin bütün həyatını zəbt edir.

Cinsi azğınlıq kişi xəstəliyidir və 50 faiz xəstələrdə əlamətlər 18 yaşından əvvəl özünü göstərməyə başlayır. Parafilik davranışların meydana gəlməsi 15-25 yaşlarında pik nöqtəyə çatır, şəxsin və ətrafındakıların həyatını təhlükə altına alır.

Psixiatr İkram Rüstəmov xəstəliyin əlamətləri barədə Aile.lent.az-a danışıb. O bildirib ki, klassik psixoanalitik modeldə heteroseksual uyğunlaşma üçün normal inkişaf müddətini tamamlaya bilməyən şəxslərə parafilik xəstə deyilir: “Bu gün cəmiyyətdə cinsi azğınlığın bir çox əlamətləri müşahidə edilir. Bunlar nümayişçilik, fetişizm, fortçuluq, pedofiliya, mazoxizm, sadizm, voyerizm və transvestik fetişizmdir. Qeyd edim ki, bütün əlamətlər ən çox kişilərdə özünü göstərir. Qadınlarda 50 xəstədən birində azacıq ola bilər. Cinsi azğınlığın nümayişçilik əlamətini daşıyan insanlar özlərini, hisslərini nümayiş etdirməklə həzz alırlar. Nümayişçi soyunmaqdan zövq alar və beləcə, cinsi doyuma çata bilər. Bu hal ən az 6 ay müddətində davam edir və təkraredici şəkildə ortaya çıxırsa, xəstənin vəziyyəti xronikiləşir, ağırlaşır. Kişi bu hisslərlə yaşayır. Bu hisslər bütün duyğuları üstələyir. Ümumiyyətlə, bütün cinsi azğınlıq davranışları 6 ay müddətində davam edirsə, bu, artıq xəstəlik deməkdir. Və bütün davranışlar şəxsin öz həyatına böyük təsir edir”.

Cinsi azğınlığın ikinci əlaməti fetişizmdir. Fetişizm şüuraltı qayğılardan qaçmaq üçün cinsi impulsları uyğun olmayan obyektlərə köçürmə səyidir. Bu da kişilərdə özünü göstərir. Tarixdə bu günə qədər heç bir qadında fetişizm müşahidə edilməyib. Fetişizm zamanı cinsi fokuslanma insan bədəni ilə yaxından əlaqəli obyektlərə (ayaqqabı, əlcək, corab, başmaq və s.) yönəlir. Ümumiyyətlə, bu duyğu uşaqlıq dövründə yaransa da, yetkinlik dövründə ortaya çıxır və xronikiləşir. Fetişizm dəhşətli pozuntudur. Bu zaman fetişin duyğuları bədənin bir hissəsinə (sinə, omba, göz, saçlar və s.), bir geyimə (köynək, büstqalter, corab və s.), bir cismə (çətir, ləl-cəvahirat və s.), bir fiziki xüsusiyyətə (zənci qadınlar, qırmızı saçlar və s.), bir şikəstliyə (axsaq ayaq, kəsilmiş bir üzvün qalan parçası və s.) istiqamətlənə bilər.

Psixiatrın sözlərinə görə, fetişizm ağır duyğu olsa da, belə insanlar zərərsizdir və onlar çox zaman evlənməyi düşünmürlər.

Müsahibimiz metro və ictimai nəqliyyatda baş verən kiçik təcavüz hallarına da aydınlıq gətirdi: “Tez-tez sosial şəbəkələrdə bu halla bağlı videolara rast gəlirik. Metro və ictimai nəqliyyatda basabas zamanı baş verən təcavüzlər - sürtünmə, əl hərəkətləri cinsi azğınlığın fortçuluk əlamətidir. Belə insanların cinsi həyatı passiv olduğu üçün onların tək təmin olma yolu sürtünmədir. Yəni onlar öz hisslərini bundan ala bilirlər”.

Uşaqlara qarşı baş verən cinsi istismar halları isə pedofiliyadır. Pedofillər ancaq uşaqlara qarşı maraq hiss edirlər. Bu hiss qadınlarda da ara-sıra müşahidə edilsə də, əsasən kişilərdə müşahidə edilir. Pedofillər adətən 13 yaşından kiçik uşaqlara üstünlük verirlər.  Pedofillərin 95 faizi heteroseksual insanlardır. Və uşaqlara qarşı cinsi istismar hadisələrinin 50 faizində pedofil spirtli içki qəbul etmiş halda olur. 

Cinsi azğınlığın növbəti əlaməti mazoxizimdir: “Mazoxist insanlar döyülən, alçaldılan zaman cinsi hisslərin pik nöqtəsini yaşaya bilir. Mazoxistin zövq alması üçün qurban olması lazımdır. Mazoxist insanlarda ağrının cinsi təminatı ödəməsi kimi təcrübələr vardır. Və 30 faiz mazoxistlərdə sadist hisslər də görülür. Sadizm qarşısındakı insanı vurmaqla, alçaltmaqla hisslərin pik həddini yaşamaq deməkdir. Sadist işgəncə verər və yaratdığı ağrılardan həzz alar. Qurbanın qışqırığı ona həzz verər. Sadizm çox zaman cinayətə qədər gedib çıxa bilir. Sadist verdiyi əzabdan həzz aldığı üçün qarşısındakını öldürə biləcəyini düşünə bilmir”. 

Bəzən yolda, küçədə qısa geyimli, cazibəli xanımlar kişilərin baxışları və ya atmacaları ilə də qarşılaşırlar. Müsahibimiz bildirir ki, bu, cinsi azğınlıq xəstəliyinin rentgençilik növüdür. Belə ki, rentgençi cinsi azğınlar gözləri ilə qarşısındakı insanları soyundurub-geyindirir və bununla cinsi təminatlarını ödəyə bilirlər.

İkram Rüstəmovun sözlərinə görə, cinsi azğınlıq xəstəliyi uşaqlıqdan formalaşır. Burada valideynin rolu olduğu qədər uşağın yetişdiyi cəmiyyətin, məktəbin, ətrafdakı insanların da böyük rolu var: “Uşağın götürmə, təqlid qabiliyyəti böyük olduğu üçün ətrafında nə görürsə, götürür, bu, zamanla şüuraltında böyüyür və bir müddətdən sonra özünü büruzə verir. Düzdür, bu, psixoloji xəstəlikdir. Amma uşaqları fərqinə varmadan biz özümüz xəstələndiririk. Ana, atanın qeyri-etik davranışları, müəllimlərin geyimi, davranışı, dostların davranışı, onlardan böyük olanların davranışı zəif uşaq psixologiyasını zədələyir. Qısası, bu gün baş verən təcavüz hadisələrinin baş qəhrəmanını elə özünüz yetişdirirsiniz. Uşaqlar doğulduqları ailənin, yaşadıqları cəmiyyətin güzgüsüdür”.

Dövrümüzdə belə bir qəribə tendensiya mövcuddur. Özünü narahat edən hər bir məsələ səbəbilə məyus olan oğlan uşaqlarına “ağlama, kişilər ağlamaz”, “məgər sən qızsan ağlayırsan?” deyilir. Oğlanlar bu kəlmələri gah anadan, gah atadan, gah nənə-babadan, gah müəllimələrindən, gah da ətrafdakı tanıdığı və tanımadığı insanlardan eşidir və düşünür ki, əgər bu qədər insan “kişi ağlamaz” deyirsə, deməli ağlamaz və tədricən ağlamağı tərgidir. Uşağın içinə yığılıb qalmış mənfi hisslər bir çox hallarda özünü aqressiya şəklində büruzə verir. Bu dəfə də uşaq “tərslikdə”, “dalaşqanlıqda”, “pis uşaq” olmaqda günahlandırılır. Nəticə etibarilə isə cəzalandırılır. Ağlamaqdan və mənfi hisslərini büruzə verməkdən tamamilə məhrum olmuş oğlan uşaqları daim saatlı bombanı xatırladır. Yeniyetməlik dövründə isə bu vəziyyət kulminativ nöqtəyə çata bilər. İllərlə hisslərini büruzə vermədiyi üçün daxilində yığılıb qalmış mənfi emosiyalar bu dəfə də “yeniyetməlik böhranı” şəklində üzə çıxa bilər. Lakin bu halda vəziyyət daha da qəlizləşir. Çünki yeniyetmələr artıq özünü azad, müstəqil fərdlər hesab edir və tərbiyə prosesi çətinləşir. Ailədə heç kəsin onu başa düşmədiyini fikirləşən zavallı oğlanlar təbii şəkildə onu “başa düşən” həmyaşıdlarına meyl edir. Bir vaxtlar valideynlərini ideal hesab edən uşağın gözündə valideynlərin nüfuzu düşməyə başlayır.

Zamanla cəmiyyət anasının və həyat yoldaşının göz yaşlarına biganə qalan kişilərlə dolmağa başlayır. Çünki bir zaman onun da hisslərinə laqeydlik göstərilmiş, göz yaşlarına və onu incidən səbəblərə səthi yanaşılmış və ona hisslərini ağlamaqla biruzə verməyin yaxşı iş olmadığı izah edilmişdi. Hələ üstəlik ona nümunə olan babalarının, atasının, əmilərinin və dayılarının ağlamasını görməmişdi. Gördüyünü götürən oğlan ailə quracaq qədər yetkin yaşa çatdıqda belə təqsirləndirilməyə davam edir, onu çəkinmədən soyuqluda, “daş ürəklilikdə”, qadınlara qarşı biganə olmaqda günahlandırırlar. Həyatında baş verənlərin kökündə nəyin durduğunu bilməyən oğlan özünü problemli sayaraq ən yaxşı halda, ya Rəbbinə üzünü tutaraq “Allahım, məni bu sıxıntıdan qurtar” deyərək gizlin-gizlin göz yaşı tökür və ya səbəb olaraq onun psixoloji durumuna müdaxilə edəcək mütəxəssisə müraciət edir və başına gələnləri danışarkən o ki var ağlayır. Ağladıqca illərdir içinə yığılıb qalan mənfi emosiyalar boşalmağa başlayır. Gəncin qəlbi yumşalır. Ona əzab verən hisslərdən qurtulduqca başqalarının hisslərinə qarşı diqqətli olmağa başlayır. Amma bunun əslində niyə baş verdiyindən xəbərsiz olur.

Və bir gün onun oğlan övladı dünyaya gəlir. Ətrafdakıların nə dediyini qavramağa başladığı ilk günlərdən atası ona kişiliyin “qızıl qaydasını” öyrədir: “Bax, oğlum, kişilər ağlamaz…”

 təbiivalideyinlik.az

Qeyd: Böyüyüb müəyyən yaş həddinə çatmış oğlan uşaqlarına “kişilər ağlamaz” prinsipinin aşılanmasında bir qəbahət yoxdur. Əsas məsələ, uşağın ağlamağa ehtiyac duyduğu dövrlərdə bunu məhdudlaşdırmamaqdır. (tebiivalideynlik.az)

Kişilərin üstünlük təşkil etdiyi cəmiyyətdə qadına şiddət daha çoxdur.

Bu cür kütlələrin ən təməl xüsusiyyətlərindən biri kişinin qadından üstün olduğunun qəbul edilməsi və qadının hər şəraitdə həyat yoldaşına sorğu-sualsız tabe olmasının tələb olunmasıdır. Yenə eyni tip cəmiyyətlərdə qadınların kişilərə nisbətdə şiddətə məruz qalma ehtimalları daha yüksəkdir.

Şiddətə, aşağı gəlir səviyyəsi, təhsilsizlər yox, hər gəlir səviyyəsinə malik olan, hər ixtisasa, hər yaşda qadınlar da məruz qalmaqdadır.

-Özünü qəbul etmə, özünə hörmət, özünə güvənmə problemləri vardır.
-Tərkedilmə, itkilər, asılılıq, güvən duyğusunda azalma, məhrəmiyyət ilə əlaqədar problemlər yaşamaqdadır.
-Sükunətini asanlıqla poza bilir.

-İstismar və şiddətin olduğu ailələrdə böyüyüblər.

-Özləri ilə bağlı inkarçı, aşağılayıcı, iddiaçı və yalanlarla dolu bir münasibətləri vardır.

-Empatiya qurmaq qabiliyyətləri çox zəifdir.

-Özlərini qoruyucu və dolanışıq təmin olaraq gördükləri üçün "xüsusi"diqqətə haqları olduğuna inanırlar. Özlərini özəl biri olaraq nümayiş etdirirlər.

-Əksərən narkotik maddən asılıqları vardır.

-Anormal dərəcədə qısqancdırlar. Birlikdə olduqları xanımın həmişə yanlarında olmasını istəyir, ya da hara gedirsə getsin bundan xəbərdar olmaq istəyirlər.

Şiddətin öyrənilmiş davranış olduğunu unutmaq olmaz. Şiddətə meyilli kişini tanımaq, şübhəsiz faydalıdır. Ancaq əsil fayda, şiddəti bəsləyən, körükləyən ictimai faktları doğru diaqnoz edib, onların üzərinə qətiyyətlə getməkdir.
Daha ətraflı:http://atvxeber.az/news/interesting/16368-siddete-meyilli-kisilerin-ortaq-xususiyyeti
Atvxeber.az saytında yerləşdirilmiş materiallardan istifadə edərkən istinad mənbəyinin göstərilməsi vacibidir.

atvxeber.az

Rusiyada bu yaxınlarda maraqlı bir araşdırma aparılıb. Belə ki, güclü cinsin nümayəndələrinin tipləri  müəyyənləşdirilib. Məlum olub ki, ailə həyatına uyğun ancaq iki kişi tipi yararlıdır. Rusiyada yaşayan 4 tip kişilərdən, cəmi iki tipi ailə həyatına uyğundur. Lakin, mənsubiyyətləri və sıraları az olduğundan, onlara bir tapıntı kimi çox nadir hallarda rast gəlinir.

Statistikaya görə, orta təbəqədə olan adaxlılardan evlənmək istəyən kişilər 30 yaş həddindədirlər. Övlad sahibi olmaq fikrinə isə daha gec 40 yaşında düşürlər. Onlar hesab edirlər ki, uşağın doğulması, vaxtından əvvəl olan yersiz qərardır və əmindirlər ki, əvvəlcə tam olaraq ayaqları üstündə bərk durmalıdırlar. Belə kişilər öz vaxtlarının və vəsaitlərinin çoxunu zahiri görünüşlərinə sərf edirlər.

Ən çox saylı olanlar, əsl kişi, centelmen olanlardır. Belə adaxlılar Avropada, təxminən 34 faizdir. Rusiyada 36 faiz. Onlar hər bir işə canla-başla yanaşır və özlərini hər yerə çatdıra bilirlər. Belə kişilər üçün, ailə və iş yeri eyni əhəmiyyət kəsb edir. Dostlarla, hobbilərlə həyatları zəngindir. Özlərinə isə demək olar vaxt ayıra bilmirlər, daha doğrusu vaxt qalmır.

Eqossentriklər – saylarına görə ikinci yerdədilər. Rusiyada 25 faiz, Niderlandda 43, Almaniyada isə 48 faiz kişilər bu kateqoriyaya aiddir. Ailə həyatına meylli olmayan kişilərdən söhbət gedirsə tam yerinə düşmüş olar. Belə kişilər çox nadir şöhrətpərəstdirlər və özlərinə diqqəti cəlb etmək üçün əllərindən gələni edirlər. Onlar üçün ön planda həmişə yaxşı aylığı olan və stabil iş yeri durur, mükəmməl fiziki forma istisna olmamaq şərtilə…

Məsuliyyətli və iltizamlılar üçüncü kateqoriyaya aid olanlardır. Onlar Rusiyada 22 faiz, Avropada təxminən 26 faiz təşkil edirlər. Bu mənsubiyyətli kişilər ideal ailə başçılarıdır. Dostlar, hobbi, əyləncə bu insanlarda arxa plandadır. Onlar asudə vaxtlarını öz evlərində, ailəsi ilə birlikdə keçirirlər.

Ən maraqlı və heyrətləndirən bir fakt da var. Çox qeyri-adi “0 məsuliyyət” hisslərinə malik olan kişilər. Belələri ambisiyalardan uzaq, məsuliyyətsiz, bugünkü günlə yaşayan və özlərini, necə deyərlər, hər hansı çətinliklə yükləməyənlərdir. Ələlxüsus da, qadınların qarşısında. Onların həyatları əyləncədən və passiv istirahətdən ibarətdir və ailə həyatını olduqca gec qururlar. Rusiyada təqribən 16 faiz kişilər belə kateqoriyadandırlar.

Rusiya Elmlər Akademiyasının aparıcı elmi xadimi, etnologiya və antropologiya institutunun professoru İqor Kon əmindir ki, zəmanəmizin tələbləri zərif cinsin nümayəndələrini biznesə, istehsalata və siyasətə yönəldir. Nəticədə, qadınlar özlərində kişilərə məxsus xüsusiyyətləri cəmləşdirmək iqtidarındadırlar və təəssüflər olsun ki, bəzi kişilər isə öz mənsubiyyətlərini itirərək qadınların əhəmiyyət kəsb edən cizgilərinə meyl edirlər. Bu da, sözsüz ki, öz növbəsində dünya miqyaslı qlobal bir problemə çevrilə bilər! Ancaq, professorun fikrincə, belə tendensiyanın heç bir zəruriyyəti yoxdur. Təki belə olsun. Yaşayarıq, görərik…

xanim.net

Psixoloqların illərdi apardığı araşdırma:

Xüsusilə kişilərin həyatında futbol matçlarını seyr etmək, bir futbol komandasının tərəfdarı olmaq niyə bu qədər əhəmiyyətlidir?

Niyə kişilər futbolu fanatik olma dərəcəsində bu qədər çox sevib təqib etməyə çalışır, hətta bütün plan və proqramlarını matç saatlarına görə qururlar?

Azarkeşlik etdikləri komandanın qazanmalarından çox xoşbəxt olub, itirdiklərində depressiyaya girəcək qədər özlərini pis hiss edirlər?

Bu və digər sualların cavablarını idmansevərlərlə bərabər psixoloqlar illərdən bəri araşdırmaqdadır. Araşdırmalara görə xüsusilə kişilərin matç seyr etməsinin ən əhəmiyyətli səbəblərindən biri fikirlərini dağıtmasıdır. Futbol gərgin iş rejimindən, gündəlik həyatın gətirdiyi məsuliyyətlərdən qurtuluş vasitəsidir.

Eyni zamanda, kişi matçı seyr edərkən özünü komandanın, ya da bir oyunçunun yerinə qoyur. Yəni, özünü onunla eyniləşdirir. Azrkeşlik etdiyi oyunçunun, yaxud komandanın müvəffəqiyyətini öz uğuru kimi qəbul edir. Oyun bitdiyində əgər komandası qazanıbsa, hesabı soruşduğumuzda şəxsin “bacardıq” deməsini yəqin çoxları eşidib. Əslində “bacardıq” kişilərin özlərini komandaları ilə nə qədər eyniləşdirdiklərinin ən güclü dəlilidir.

Necə ki, qadınlar aktrisa və modelləri özlərinə ideal seçərək onlara bənzəməyə çalışır, eləcə də kişilər futbolçuları özlərinə kumir hesab edirlər. Çünki futbolçu şəxsiyyətinin özü kişiyə şöhrət, güc, pul, rəqabət və dayanıqlılıq kimi hisslər gətirir və kişilərin özlərini daha yaxşı hiss etməsini təmin edir.

Psixologiyada bu məlumatları dəstəkləyən “İctimai şəxsiyyət nəzəriyyəsi”nə görə, özünə inamı olmayan şəxslər özlərini tək və təcrid edilmiş hiss edər, qayğılı hiss edərlər. İdman tərəfdarlığı “birlik”, “bərabərlik” və “bağlılıq” duyğularının kişilərdə yüksəlməsini təmin edir. Həmçinin depressiya riskini azaldır. Eyni zamanda futbol, kişiləri yeknəsəklikdən uzaqlaşdırır. Qadınların həyatı qədər rəngli və dolu olmayan həyatlarına həyəcan və coşğu qatmasına köməkçi olur.

Ayrıca futbol kişilərin içində basdırdıqları aqressiyanı sağlam şəkildə ortaya çıxarmasına fürsət verir. Kişilər xüsusilə matç seyr etdikləri an dünyadan əlaqələrini kəsə bilər, heç kimin düşüncələrinə, söylədiklərinə əhəmiyyət verməzlər.

Kişilər üçün futbol seyr etmək bir növ ictimailəşmə, ünsiyyət formasıdır. Bu zaman azarkeşin içində hər cür strategiya və taktika olur və beyni işlədir. Kişilər üçün futbol bir növ müalicədir. Hörmətlərini gücləndirən, aid olma duyğusunu yaşadan, həyəcan, coşğu və kef verib adrenalin ifraz edən müalicə. Həyatın stress, məsuliyyət və yeknəsəkliyindən qaçış fürsəti təmin edən vasitə sayıla bilər. Futbol yalnız bir oyun deyil, gerçək mənada kişilərə təqdim edilə bilən bir hədiyyədir. Bununla birlikdə, yenə də diqqət yetirməmiz lazım olan nöqtə isə hər şeydə olduğu kimi həyatımızda futbol taraftarlığında da həddindən artığa qaçmamaqdır. Yəni fanatikləşməmək.

Nəticədə həyatdakı bir çox şey kimi futbol da asılılığa səbəb ola bilər. 

tibb.az