Ailə bir ağacdır; müdriklik, vicdanlılıq, əməksevərlik, sədaqətlilik, mərifətli övladlar ağacın budaqları, xoşbəxtlik, səadət, bəxtiyarlıq çiçəkləri, gülərüzlülük,uzunmüddətli olmaq onun barlarıdır.Ailə mayası halalıqla yoğrulmuş, riyadan kənar, kamillik dünyasına aparan yoldur.Cəmiyyət ayrı-ayrı ailələrdən təşkil edilmişdir və ailə quran tərəflərin onu necə saxlamasından asılıdır. Ailə millətin ürəyidir. Ölkənin gələcək rifahı yaxud tənəzzülü yeni nəslin xarakteri və mənəvi siması ilə şərtlənir. Əgər gənclər əxlaq, özünüidarə və təmkinlilik kimi xüsusiyyətlərə uşaq yaşlarından vərdiş edirlərsə, gələcəkdə cəmiyyətə müsbət təsir göstərirlər. Əgər gənclər tərbiyə və intizamdan kənarda qalsalar, onda onlar özbaşına və ədəbsiz böyürəcəklər, nəticədə isə acınacaqlı hal yaranacaq. Bu gün gənclərdə formalaşan vərdiş və prinsiplər gələcək cəmiyyətin xarakterini əks etdirir. Düzgün təşkil olunmamış ailənin təsiri hər tərəfə yayılır və bütünlüklə cəmiyyətə məhvedici yara vurur. O, ailəni, cəmiyyəti və dövləti öz şər selinin qoynuna alaraq məhvə doğru aparır. Ailə Allah qarşısında səmimi olmalıdır. Valideynlər və uşaqlar Onunla əməkdaşlıq etməyi öyrənməlidirlər. Onlar öz vərdişlərini və xasiyyətlərini Allahın planına uyğun şəkildə tərbiyə etməli, insani məhəbbətin təmizliyini və nəcibliyini qoruya bilən yeganə Şəxsə məhəbbətlə qulluq etmək üçün birləşməlidirlər. Birgə həyatın ilk ili - təcrübə toplamaq ilidir, uşaqlar məktəbdə yeni şeylər öyrəndikləri kimi, ərlə arvad da bir-birinin xasiyyətinin müxtəlif tərəflərini öyrənirlər. Qoy sizin ailə həyatınızın bu ilk fəslində elə səhifələr olmasın ki, gələcək xoşbəxtliyinizin üstünə kölgə düşməsin.
Ömürlük bağladığınız ittifaqda həm kişi, həm də qadının meylləri hər ikinizin xoşbəxtliyinə qulluq etməlidir. Hər biriniz qarşı tərəfin xoşbəxtliyi üçün əlindən gələni etməlidir. Bu, Allahın sizinlə bağlı iradəsidir. Lakin bir bədəndə birləşərkən, hər kəs öz fərdiyyətini qoruyub saxlamalıdır. Sizin fərdiyyətiniz Allaha məxsusdur. Yaradılışınızın əsasında duran məqsədi hansı yolla daha yaxşı həyata keçirə biləcəyinizi yalnız Ondan soruşmalısınız. Allah gözəlliyi sevir. O, səmanı və yeri gözəlliklərlə əhatələmişdir və böyük Ata məhəbbətilə Onun yaratdıqlarından aldığımız zövqü izləyir. O istəyir ki, bizim evlərimiz təbiətin gözəllikləri ilə əhatələnsin. Bir çox ailələr ona görə bədbəxt olurlar ki, qadın sadə ailə həyatının adi ev işlərindən ikrahla öz çevirir. İş və qayğılar onun xoşuna gəlmir, sevinc, məmnunluq və maraqla yerinə yetirmək mümkün olan və onun özü üçün də faydalı olan şeylər ağır və darıxdırıcı yük kimi görünür.
Əlbəttə, ev həyatı həmişə yaxşı olmur. Gün ərzində bir çox şeylər bizim səbrimizi imtahana çəkir və güc tələb edir. Bəzi vəziyyətləri dəyişmək iqtidarında deyilik, lakin insanın şəraitə münasibəti onu xarakterizə edir. öz prinsiplərinin idarə olunmasını və məhvə sürüklənməsini şəraitin ixtiyarına verənlər üzərlərinə düşən vəzifələri unudurlar. Başqalarının səbirsizlik və dözümsüzlük özündən əllərini yana saldıqları çətinliklərə mərdliklə sinə gərərək, işinizi səylə davam etdirməyə çalışırsınızsa, həm iradəniz möhkəmlənir, həm də maneələri dəf etmək təcrübəniz başqalarına da öz sözləriniz və nümunənizlə kömək etməyiniz üçün imkan yaradır.Ailə nədir?Bu sualı insan özünə ailə qurmamışdan qabaq verməlidir.Ailə- bir xoşbəxtlikdir.Ailənin nə olduğunu,məqsədinin,psixologiyasının nə olduğunu çox heyif ki bəşəriyyət unudubİnsanların çox hissəsi heç ailə qurmaq haqqında düşünmür,düşündükləri yalnız karyera ,biznes,hansısa yolla isə iş qurub pul qazanmaqdır.Nəticədə gecikmiş bir ailə qurulur və bu düşüncənin insanları öz ailəsinə də karyerasının bir mərhələsi kimi baxır.İnsanların digər bir hissəsi isə ailə qurandan bir müddət sonra ayrılır.Səbəbini soruşanda ;”Xasiyyətimiz uyğun gəlmədi,yola gedə bilmədik”bu cür bəhanələr gətirirlər.Yəni bu qədər sadədirmi ailəni dağıtmaq,bu qədər insanlıq adiləşib?Nə ümüdlə,nə istəklə qurulan ailələr bir anda dağılır.Əvvəlcə ailənin kiçik oğlu boşanma qərarı verdi.Səbəb;Qardaşını itirmış həyat yoldaşı anasından ayrılmır,boşanmağa ailəsindən xəbərsiz ərizə verir,bundan hiddətlənən ər,tez bir zamanda ailə qurur,ən çox zərər görən boşanmadan sonra doğulan körpə çəkir.Özünə gələn qadın etdiyi hərəkətdən peşiman olur,artıq gecdir...
Sonda hamıya ailə qurarkən düzgün seçim etməyi və seçdiyi insanla xoşbəxt ,Allahın buyurduğu şəkildə yaşamağı arzulayıram.
Baloğlanova Raminə
