Düşüncə Jurnalı

header photo

Vücudu ramazana öyrəşdirməyin 5 yolu

Ramazan ayı bu il də ilin ən uzun və isti günləri ilə üst-üstə düşür. İftar və sahur (imsaq) arası qısa olacağı üçün enerjili və tutumlu qidalara üstünlük vermək lazımdır.

Mədənin uzun müddət boş qalacağı isti yay günləri gəlməmiş vücudu Ramazana hazırlamaq vacibdir. Bunun üçün aşağıdakı 5 qayda çox faydalı olacaq.

Səhər yeməyini tez yeyin. Əgər səhər yeməyini günortaya yaxın yeyirsinizsə buna son qoyun. Səhər yeməyinizi saat 08:00-a qədər tezləşdirsəniz günortaya qədər vücudunuz daha aktiv və canlı olar.

Ara vaxtlardakı yeməkləri ləğv edin. Davamlı olaraq qida qəbul etmək mədənin dayanmadan fəaliyyət halında olması deməkdir. Bu vəziyyətə vərdiş edən mədə, gün ərzində aclıq olmasa belə həmişə aclıq hissi verə bilər. Ramazandan əvvəl bu vərdişlərdən uzaqlaşmaq, mədəni boş qalmağa öyrəşdirmək lazımdır.

Axşam yeməklərindən sonra yatana qədər heç nə yeməmək məsləhətdir. Vücudun həzm sistemi asanlaşarsa səhər daha faydalı qidalana bilərsiniz.

Şəkərli və yağlı qidalardan uzaq durun. Daha faydalı və sağlam qidalar qəbul edin ki, orqanizminizin müqaviməti güclü olsun.

Ramazana bir neçə gün qalmış isə günorta yeməyi yeməyin. Mədənizi və zehninizi aclığa öyrəşdirməyə çalışın.    

korpem.net

Go Back

Sorğu göndər